Gaur goizean eta Elkanoko Enpresaritza Eskolako gradu-aretoan, Usoa Mediavilla eta Aratz Castro, Lurgorri Ikasle Elkarteko kideek, datozen asteetan elkarteak garatuko dituen ekimenen berri eman dute.
Batetik Lurgorri Ikasle Elkarteak argitaratu duen EHUko araudiaren ezagupenari buruzko gida aurkeztu da. Gida hau, liburuxka baten argitaratu da eta bere 33 orrialdeetan ikasleek, azterketak, ebaluaketak, bekak edo adibidez unibertsitatearen mugikortasun programa zertan datzan informatzen du. Gai hauen gainean ikasleek informazio ugari eskatzen dute eta Lurgorrik egindako liburuxka honetan, gai horiei buruzko galdera-erantzunak agertzen dira, era zuzen eta sinple batean azalduta. Liburuxkaren helburua, EHUko araudiari buruzko informazioa ematea da baina era sinplifikatu batean. Liburuxkak EHUko kanpusetan banatuko dira dohainik. Liburuxkak ere info@lurgorri.org posta elektronikoaren bitartez eskatzea aukera dago ere bai.
Bestetik eta prentsaurreko berean, Lurgorriko kideek “Ospa Etxetik” deitutako jardunaldia aurkeztu dute. Ekintza hau azaroaren 3, astelehena izango da Elkanoko Enpresaritza Eskolako gradu-aretoan eta gaia gazteen emantzipazioa izango da. Jardunaldi hau, ikasle zein gazte jendeari orori zabaldua dago eta bertan Niels Botter Rasmussen, Dinamarkako Copenhagen Institute for Future Studies-ek parte hartuko du Danimarkako emantzipazio ereduari buruz jarduteko. Jardunaldian ere, Santiago Cirugeda arkitektoa mintzatuko da, etxebizitza eredu alternatiboak gaiarekin eta ondoren Juan Maria Aburto, Bizkaiko Foru Aldundiko Gizarte Gaietako Diputatuak , etxebizitza eta emantzipazioari buruz hitz egingo du. Jardunaldi hau, astelehena, azaroak 3 goizeko 11.30etatik aurrera izango da Elkanoko Enpresaritza Eskolako gradu-aretoan (Elcano, 21) eta EHUko Ikasleen Errektoreordetzaren laguntzarekin antolatua dago.
